Life After Death — ამერიკელი რეპერ The Notorious B.I.G.-ს მეორე სტუდიური ალბომი, გამოცემული 1997 წლის 25 მარტს, უკვე მისი მკვლელობის შემდეგ. ამ ალბომზე წარმოდგენილი სიმღერები ჩაწერილია სხვადასხვა ცნობილ შემსრულებელთან, როგორებიც არიან: ჯეი-ზი, ლილ კიმი, Bone Thugs-N-Harmony, კარლ თომასი, Run-DMC, რ. კელი, პაფ დედი და 112.
Life After Death-მ გამოსვლისთანავე მაღალი შეფასება მიიღო და კომერციული წარმატებითაც სარგებლობდა. 2000 წელს RIAA-სგან მას მიენიჭა ალმასის სტატუსი (მანამდე ჰიპ-ჰოპის ჟანრში მსგავსი წარმატება მხოლოდ სამმა დისკმა მოიპოვა). იგი ითვლება ყველა დროის ერთ-ერთ გაყიდვად რეპ-ალბომად. ერთ კვირაში მან ბილბორდის ჩარტის 176-ე პოზიციიდან პირველ პოზიციაზე გადაინაცვლა. იგი ასევე ნომინირებული იყო გრემიზე 1998 წელს, როგორც წლის საუკეთესო რეპ ალბომი, წლის რეპ-სოლო შესრულება და წლის რეპ შესრულება დუეტის ან ჯგუფის მიერ. მუსიკალური კრიტიკოსები თვლიან მას ქვეჟანრ მაფიოზური რეპის ტიპის ჩანაწერად.